Буккроссинг бұрышының салтанатты ашылуы.

     Буккроссинг (ағылшын тілінде «кітаптың айналыста жүруі) – «өзің оқысаң, өзгеге табыс ет» қағидасына негізделген хобби мен адам және кітап арасын жақындататын, кітап оқуға шақыратын қоғамдық қозғалыстардың бірі. Буккроссингтің ережесі бойынша, кез-келген адам өзі оқып бітірген бір кітабын қоғамдық көпшілік орындарда (саябақ, кафе, кітапхана және т.б.) қойып кете алады, кейін бұл кітапты тауып алған басқа адам оқиды, оқып болған соң, ол да сол кітапты орнына тастап кетеді, дәл осылай ол кітапты басқа оқырман оқи алады. Бұл қоғамдық қозғалысқа қатысушыларды − “буккроссерлер” деп атайды.

        Мақсаты «Буккроссингтің» басты мақсаты ол − үйімізде шаң тозаң болып жатқан немесе оқылған кітаптарға «екінші өмір сыйлау»; оқырмандар арасында «кітап алмастыру» акциясын жүргізу; әр түрлі жастағы оқырмандарды кітап оқуға шақыру; кітапханаға оқырмандарды тарту; күнделікті өмірдегі әр оқырманның кітап оқу әрекетін танымал етуге өз үлесін қосу; әлемді үлкен кітапханаға айналдыру.  

   Гимназиямызда буккроссинг бұрыштары ашылды. 2-қабатта 1-4 сынып оқушыларына арналған, 3-қабатта 5-11 сынып оқушыларына арналған буккроссинг бұрышының салтанатты ашылуы болды. Кітаптар сөреде үш тіл бойынша жинақталды, қазақ тілінде, орыс тілінде және ағылшын тілдерінде, әр  қабатта «Буккроссинг журналы» ашылып, оқушылар алған кітаптарын жазып, қайта тапсыру уақытын да көрсетіп отырады. Ашылуда буккроссинг тарихы туралы «Жас Ұлан» ұйымы таныстырды. «Шамшырақ» клубы оқушылары кітап туралы нақыл сөздерге кезек берді. Кітапхана меңгерушісі О.М.Рымбосинова буккроссинг ережесімен таныстырып өтті.