Қымбатты да аяулы Аналар! Бүгінгі жарқын да шуақты мереке – Аналар күнімен баршаңызды шын жүректен құттықтаймыз!

Бізге өмір сыйлап, ақ сүттеріңізбен нәр беріп, шексіз мейірімдеріңіз бен махаббаттарыңызға бөлеп өсіргендеріңіз үшін басымызды иіп, алғыс айтамыз!
Түн ұйқыларыңызды төрт бөліп, біздің әрбір қадамымызға алаңдап, қуанышымызға ортақтасып, қайғымызға демеу болатын да сіздерсіздер. Бізді жақсылыққа жетелеп, білім алуымызға жағдай жасап, үлкен өмірге қанаттандыратын да – асыл аналар!
Осы айтулы күні сіздерге зор денсаулық, сарқылмас бақыт, ұзақ ғұмыр, отбасыларыңызға амандық пен береке тілейміз! Әрқашан жүздеріңізден күлкі кетпесін, жүректеріңіз мейірімге толы болсын! Біз сіздерді шексіз жақсы көреміз және әрқашан мақтан тұтамыз!
Сіздерге деген шексіз құрметпен және махаббатпен,
оқушылар атынан гимназияның "Жас Ұлан" ұйымы.