«Ыбырай Алтынсарин атындағы №37 гимназиясы» КММ-нің 6 «А» - «Жас Сарбаз» сыныбының оқушылары Семей қаласындағы Әскери -техникалық мектебіне барып ашық есік күніне қатысып қайтты.

Іс-шара барысында оқушыларға сарбаздардың күнделікті тұрмыс-тіршілігімен, әскери бөлімнің техникалары мен қару жарақтарымен және әскери өмірдің тәртібімен оқу орнының қызметкерлері: оқытушы- подполковник: Айдар Османович Рахимбаев пен тәрбиеші -сержант: Санжан Оразбекович Ергазиев таныстырды. Сонымен қатар, жас буынға рух беретін патриоттық практикалық дәріс ұйымдастырылып, сарбаздар мен оқушылар арасында жылы жүздесу өтті.

Бұл шара оқушыларға Отан алдындағы борыштың маңызын түсіндіру, әскери қызметке деген қызығушылығын арттыру және патриоттық тәрбие беруге бағытталған. Әскери бөлімдегі тәртіп, ұйымшылдық, жауапкершілік секілді құндылықтар балалардың бойына оң әсер қалдырды.

Осындай танымдық іс-шаралар оқушылардың елін, жерін сүюге, азаматтық жауапкершілігін сезінуге жол ашады.

6 «А» сыныбының жетекшісі: Жарылгасинова Ж. Г.

6 «А» сыныбының әскери жетекшісі: Сүйіндіков А. А.