«ҰСТАЗДЫҚТЫҢ СӨНБЕС ЖАРЫҚ ЖҰЛДЫЗЫ» атты оқу-әдістемелік кітаптың тұсаукесері
«ҰСТАЗДЫҚТЫҢ СӨНБЕС ЖАРЫҚ ЖҰЛДЫЗЫ» атты оқу-әдістемелік кітаптың тұсаукесері
2019 жылдың 19 қараша күні «Құрмет» орденінің иегері, Қазақстан Республикасының еңбек сіңірген мұғалімі, «Ы. Алтынсарин» төсбелгісінің иегері, Шығыс Қазақстан облысының құрметті азаматы, Қазақстандық Ұлттық ЮНЕСКО Клубтары Федерациясының мүшесі Қанипа Омарғалиқызының технологиясы бойынша әзірленген «ҰСТАЗДЫҚТЫҢ СӨНБЕС ЖАРЫҚ ЖҰЛДЫЗЫ» атты оқу-әдістемелік кітаптың тұсаукесер рәсімі болып өтті.Салтанатты жиынға ата-аналар, оқушылар, Абай журналының редакторы М.Қ. Оспанов, Республикалық Абай мұражайының директоры доцент, филология ғылымдарының докторы Ж.М.Әубәкір, Шәкәрім атындағы мемлекеттік университетінің қазақ тілі мен әдебиеті кафедрасының филология ғылымдарының PhD докторы Қ.Ә.Әубәкірова, Қазақ иновациялық-гуманитарлық заң университетінің деканы,философия ғылымдарының докторы М.Д.Қаражанов және қаламыздағы №16 мектептің «Абай әлемі» клубының жетекшісі Ш.Р.Шектібаева қатысты. Оқушылар Абай шығармаларын және Елбасы ойларын жатқа оқып, М.О.Әуезовтің «Абай жолы» романынан «Қайтқанда» тарауы бойынша көрініс көрсетіп, Абай әндерін шырқады. Келген қонақтар аталған шараның маңызды екенін айтып, алғыс білдірді.