26.04.2024 “Ыбырай Алтынсарин атындағы Nº37 гимназиясы” КММ-де қазақ тілі және әдебиеті пәні мұғалімі Жакенова Құралай Құралтайқызы әдебиет пәнінен Жүніс Сахиевтің “Айдағы жасырынбақ” әңгімесінің тақырыбы мен идеясы бойынша

8”В” сыныбына ашық сабақ өткізді. Сабақтың басында оқушылармен амандасып, түгендеп, психологиялық ахуал «Сәлемдесу» әдісін қолданып, оқушылар бір-бірімен әр түрлі тәсілдер арқылы амандасты. Үйге берілген тапсырманы тексеріп, «Kahoot» бағдарламасы арқылы оқушылар ұялы телефондарымен Qr арқылы кіріп, алдыңғы сабақтағы білімдерін пысықтады.
Сабақтың ортасында жаңа тақырыпты түсіндіріп, бүгінгі оқу мақсатымен таныстырды.
Сабақ барысында Қанипа Бітібаеваның «Ой тастау, ойланту, ойлау» технологиясы қолданылды. Оқушыларға аспан әлемі, ай туралы қызықты ақпараттар беріліп, видеоролик көрсетілді.
Оқушылар «Ойланту» әдісін қолданып “Мақал-мәтелдерді жалғастыр” тапсырмасын орындап, шығармадағы ұлттық құндылықтарды тауып, мақалдардың шығармамен қандай байланысы барын анықтады. 3 топқа бөлініп, топтық жұмыс жасады.
«Айға сапар» тобына әңгіменің басы, «Жасырынбақ» тобына әңгіменің ортасы, «Табиғат сақшылары» тобына әңгіменің соңы беріліп, оқушылар көркем шығармадан үзінділерді теріп жазып, өз көзқарастарын дәлелдеп, талдау жасады. Тапсырма соңында топтар бір-бірін дескриптор бойынша бағалады. Сабақты қорытындылау мақсатында талдау карточкалары берілді.
Оқушылар тапсырманы орындаған соң «Түрлі түсті қысқыштар» әдісі арқылы зымыранды Айға қарай жылжытты.
Сабақ соңында үй тапсырмасы беріліп, “Padlet” тақтасы арқылы рефлексия жасалды.
Ашық сабаққа директордың оқу-ісі жөніндегі орынбасары А.К.Касенова, қазақ тілі және әдебиеті пәні мұғалімі Ш.М.Нургамысова, Б.С. Ибрагимова, шет тілі пәні мұғалімі Ш.Т. Бахтыбаева, информатика пәні мұғалімі А.Хамитов қатысып, ашық сабаққа өз пікірлерін білдіріп, талдау жасады. Оқушылардың шығармашылықпен жұмыс жасап, сабаққа белсенді қатысқандарына ризашылықтарын білдірді.

​ссылка1​​​