07
ноябрь
2022
#37гимназияға30жыл
Ы.Алтынсарин атындағы № 37 гимназияда қазақ тілі мен әдебиеті пәнінің ұстаздары Агыбаева Г.М. мен Тулеубаева С.Б.-ның ұйымдастыруымен "Алдынғы толқын ағалар, кейінгі толқын інілер" тақырыбында тағылым сағаты өтті. Бұл іс шараға гимназияның 30 жылдық мерейтойына келген бір топ қонақтар және 10-11 сынып оқушылары қатысты. Тағылым сағатының мақсаты аға буын мен жас буын өкілдерінің арасында сабақтастық орнатып, мектеп бітіруші түлектерге тағылымды ойлап ұсынып, кәсіптік бағдар беру. Тағылым сағаты өте әсерлі өтті. Келген қонақтар топпен жұмыс жасай отырып, өздерінің жүрекжарды ұсыныс-тілектерімен бөлісті. Әсіресе, "мамандықтың бәрі жақсы, қажеттісін таңдай біл" атты түлектердің өздерінің таңдаған мамандықтары жайлы пікірлері, мектеп бітіруші оқушыларға ақыл-кеңестері, постер қорғаудағы іскерліктері, қатысушылардың ойынан шығып, қызықты әсер қалдырды. 10 -сынып оқушылары да аса белсендікпен қатысып, "еркін микрофон" арқылы аға ұрпақтарға өздерін мазалап жүрген сұрақтарын қойып, алдыңғы буынның тұшымды ойларын тыңдады. "Баталы сөз-балаға азық" дегендей, тағылым сағаты ардагер ұстаздардың жас ұрпаққа берген бата-тілегімен аяқталды.
