11-12 қазан күндері Астана қаласында өткен республикалық пікірсайыс турнирінің жабылу салтанатында ҚР Оқу-ағарту министрі арнайы келіп, еліміздің ең үздік пікірсайысшыларына өз алғысын білдірді.

Республика бойынша 81 мыңнан астам оқушы қатысқан бұл турнирде финалдық кезеңге жеткен 180 оқушының мықтылығын министр ерекше атап өтіп, әрбір қатысушыны құттықтады. Министрдің жылы сөздері пікірсайысшыларымызға үлкен әсер қалдырып, оларға ерекше мотивация берді.
Орыс лигасында гимназиямыздың намысын Бақытбек Назерке, Төлендинова Адия, Болпышева Дениза қорғады, ал ағылшын лигасында Дюсенова Дильназ бен Қасенова Кәусар турнирдің ширек финалына дейін жетіп, өздерінің үздік екенін дәлелдеді. Бұл нәтиже біздің пікірсайысшыларымыздың жоғары дайындығы мен қабілетінің айқын көрінісі.
Пікірсайысшыларымызға қолдау білдірген гимназия басшылығына, ата-аналарына және үйірме жетекшісі Бинұр Ахатқызына ерекше алғысымызды білдіреміз. Осындай жетістіктерге жеткен оқушыларымызды мақтан тұтамыз және алдағы жарыстарда тек сәттілік тілейміз! Сіздер – біздің чемпиондарымыз! 

​ссылка1​​​