“Қырық жыл қол үзбеген қаламынан...” тақырыбындағы Әдеби кездесу кеші.

11 қыркүйек күні гимназиямызда

“Тілі басқа болғанмен тілегі бір, жүзі басқа болғанмен жүрегі бір” атты тілдер айлығы аясында “Шешендік өнер” үйірмесі мен “Ақ қауырсын” үйірмесінің ұйымдастыруымен белгілі жазушы, әдебиеттанушы, сыншы, ғалым Әліәкбар Әбіл-Серік Әбілқасымұлымен әдеби кездесу кеші өтті.

Шара шымылдығын әсем әнмен 1-сынып оқушысы, жас дарын Даниярқызы Раяна ашты.Одан кейінгі кезекте, әдебиетші ұстаз Нұрғамысова Шолпан Махмұтқызы

ғалым шығармашылығы мен өмір жолы турасындағы кішігірім ғылыми-әдеби баяндама оқыды.

Сондай-ақ,кездесу барысында, қаламгер өзінің шығармашылық жолы жайында қысқаша әңгімелеп, оқушылар тарапынан қойылған сұрақтарына тұшымды жауап берді.

“Ақ қауырсын” үйірмесінің мүшесі 7-сынып оқушысы Сембай Інжу ұстаз - ғалымға шағын арнау жырынан тарту етті.

Шара соңында, ұстаз-ғалым мектеп ұжымына ризашылығын білдіре отырып, тамаша әдеби мазмұнды кешті ұйымдастырушы ұстаздар қауымы мен

оқушыларға алғысын айтып, естелік суретке түсіп тарқасты.

Әдеби кешті ұйымдастырғандар: үйірме жетекшілері: Нургамысова Ш.М.

Омарғали Е.Қ