“Аяулы ақын ана” атты рухани кездесу

ҚР Мәдениет қайраткері, айтыскер әрі жазба ақын,
“Семей Халықтық ақындар орталығының” жетекшісі Дәмеш Омарбаева “Ыбырай Алтынсарин атындағы № 37 гимназияда”
орта буын сынып оқушылары,
“Ақ қауырсын” өнер үйірмесінің жас ақын шәкірттерімен шығармашылық кездесу өткізді.

“Ақ қауырсын” үйірмесінің мүшелері Назар Асубаев арнау жырын төгіп,
Расул Жасарбек аударма өлеңін оқыса,
Нұрсана Арнұрқызы өз шығармашылық туындысын ұсынды. Айтыскер ұстаз Дәмеш Омарбаева ақын шәкірттермен өзара еркін сұхбаттасып, өнегелі өмір жолынан тағылымды сыр шертті.

Кеш барысында, Бәтташ Сыдықұлы атындағы
“Шешендік өнер” сыныбының жетекшісі, Қазақ тілі мен Әдебиетінің мұғалімі, “Үздік ұстаз” Нұрғамысова Шолпан Махмұтқызы өз алғысын айтып, ақындарға ұстаздық ақ тілегін жеткізді.

Аталмыш кездесу, естелік суретке түсумен аяқталып, ақын - ұстаз Дәмеш Омарбаева жас ақындарға ақ батасын берді.

ссылка 1