2025 жылдың 29 қазанында «Ыбырай Алтынсарин атындағы №37 мектеп гимназиясы» КММ-де «Жасанды интеллект және цифрлық сауаттылықты сабақта қолданудың тиімділігі» тақырыбында шеберлік сағаты өткізілді.

Шеберлік сағатында Кабакаева А.Е, Картикова Ш.Т, Камалова А.К, Құсман А.Н өз іс тәжірибелерімен бөлісті. Мақсаты: Мұғалімдердің жасанды интеллект құралдарын бастауыш сыныптағы оқу-тәрбие процесінде тиімді пайдалану жолдарымен таныстыру және цифрлық педагогикалық құзреттілікті арттыру. Шеберлік сағат барысында «Есім таяқшалары» әдісімен қатысушылар топтарға бөлінді.

“Padlet” тақтасына ұстаздар жасанды интеллект туралы ойларын жазып, нәтижесінде тақырыпты ашатын бейнеролик көрсетілді. «7 сұрақ”, «Кубик», «Сезімдерді суретте» әдістері және «Өз кейіпкеріңізді салыңыз» әдісімен салынған суретті QR код арқылы қимылдатып топтық және жұптық жұмыстар жүргізілді. Қорытындысында шеберлік сағаттан алған білімдерін «Жақсы оқу, жақсы ойын, жақсы тілек» әдісі арқылы кері байланыс берді.