02.05.2025 күні қазақ тілі мен әдебиеті пән бірлестігі аясында “Шәкәрім университеті” КеАҚ ФЖМ БББ-ның КЯЛ-101 тобының 4-курс студенттері мен олардың пән жетекшілерінің қатысуымен өндірістік (педагогикалық) іс-тәжірибесінің аяқталуына орай

қорытынды (есеп) сағаты өтті. Әр студент өзінің өндірістік (педагогикалық) іс-тәжірибе барысында атқарған жұмысын презентация арқылы таныстырды. Тәжірибеден өту барысында дағдыларының шыңдалғанын жеткізді. Гимназия ұжымына, қазақ тілі мен әдебиеті пән бірлестігіне, өз жетекшілеріне алғыстарын білдірді Пән жетекшілері қорытынды сөз сөйлеп, өз машықкерлерінің бағасын хабарлады. Директордың оқу-әдістемелік жұмысы жөніндегі орынбасары Шыныбекова Назгуль Амиртаевна қазақ тілі мен әдебиеті пән бірлестігінің атынан машықкерлерді “Абайдың сөзі – қазақтың бойтұмары” онкүндігінде белсене қатысқаны үшін алғыс хатпен марапаттады. Қорытынды сағат барысында Болатова Балғын өзінің гимназияға алғыс ретінде арнап жазған өлеңін оқыды:
“Келіп едік қаңтардың суық күнінде,
Тәмам болды тәжірибеміз бүгінде.
«37 гимназия», сіздерге шексіз алғыс,
Бізге сыйлаған осындай мүмкіндікке.

Оқуымызды аяқтаймыз қанат қағып,
Кетіп барамыз сіздермен де сау болдасып.
Жоғары оқудағы соңғы тәжірибе,
Қалады естелік боп жылы, жарық.

Көктемнің жылы күніндей лебізіміз,
Ақталсын, жемісті болсын еңбегіңіз.
Сіздерге тілейміз тек жақсылық,
Бұл біздің сыпайы пейіліміз.

Уақыт зырғып, келіп жетті мамыр айы,
Іс-тәжірибеміз өтіп кетті лезде.
Сіз бен біз мұңлы күйде қоштаспайық,
Шуақты күндерде, бұйырса, жүздескенше!”

ссылка 1