“Еліміздің егемендігі үшін күрескен тұлғалар” тақырыбында конференция өткізілді.

Қазақ халқының мақтанышы, еліміздің тәуелсіздігі мен аумақтық тұтастығын сақтау жолындағы тарихи тұлғалардың күрескерлік қасиеттерін, ерліктерін, жас ұрпақтың бойына дарыта отырып, патриоттық сезімге, Отанға деген сүйіспеншілікке тәрбиелеу мақсатында 7 сынып оқушылары арасында “Еліміздің егемендігі үшін күрескен тұлғалар” тақырыбында конференция өткізілді. Конференция барысында , Би Боранбай Қалқаманұлы, Шыңқожа Батыр, Қабанбай Батыр , Жәнібек Батыр және Қасым Қайсенов сынды тарихи тұлғаларымыз жайлы маңызды дүниелер айтылды. Іс -шарамыздың шымылдығын Ардақ Жұмағалиқызының жетекшілігімен “Балауса” бишілер тобы ашты. Мағыналы презентациямен тың ақпараттар ұсынған конференция қатысушыларына Райхан Мырзахметқызы шәкірті Мейіржан Ерешев әсем әуезді әндерін ұсынды. Конференция қонақтары тарих пәнінің мұғалімдері Мұхамадиева Гүлжан Мұхаметқазықызы мен Амангелді Мейіржан Жанарбекұлы және қазақ тілі және әдебиеті пәні мұғалімі Нұрғамысова Шолпан Махмұтқызы оқушылардың білімдеріне тәнті болып, өз лебіздерін білдірді. Шараны қорытындылау барысында барлық қатысқан сынып оқушылары Алғыс хаттармен марапатталды.
Тарих пәнінің мұғалімі: Жарылгасинова Жанаргуль Газизовна