Мұғалімнің сабақ өткізу шеберлігін арттыру , сабақты талдау және сабақты мұғалімнің өзіндік талдауы туралы түсінуіне жағдай жасау, шеберлік – сынып қатысушыларына әдістемелік көмек көрсету,

қатысушылардың өздерінің кәсіби шеберліктеріне ой жүгірте білу, үйренушілердің қызығушылығын тудыру, оқу материалдарын тиімді меңгерту мақсатында: «Cабақты мұғалімнің өзіндік талдауы» тақырыбында гимназиямыздың ұстаздары: Ш. Б. Қаптағаева., Ж. Г. Жарылгасинова., Ж. А. Жырғаланова., М. К. Ақылбаева шебер сынып өткізді. Мұғалім сабағын сауатты талдай алса, онда тиімді сабақты іске асыра алады. Қазіргі жаңа форматтағы сабақтарды талдай аламыз ба деген бұл сұрақ бәріміздің көкейімізде жүргендіктен, дәстүрлі сабақтарды талдаудың керекті элементтерін сақтап, жаңа жүйенің талаптарын кіріктіре отырып, сабақ талдау жүйесін жасап, шебер сынып барысында әріптестерімізбен жан-жақты қарастырдық.
Іс-шара барысында мұғалімдерді тиімді әдіс арқылы топқа бөліп, тақырыпқа кіріспе жасалып, «Миға шабуыл», «Сергіту сәті» әдістері қолданылды, «Падлет тақтасы» арқылы кері байланыс жүргізілді.
Берілген тапсырмалар аясында, А.Кемелбаеваның «Шашты» әңгімесінің әдебиеттегі орны тақырыбындағы қысқамерзімді сабақ жоспарын талдау барысында тәжірибелі және жас ұстаздар өте белсенді жұмыс жасап, ұтқыр, тиімді жауаптар ұсынып, ойларын ортаға салды.
Ұстаздар шебер сыныпқа қатысу барысында берілген маңызды тың деректердің, сабақты талдау үлгілерінің, талдау барысындағы ерекшеліктердің тиімді тұстарын жоспар жасау кезінде қолданатындықтары жайлы өз ойларымен бөлісті.