15.03.2024 жыл Абай облысы Семей қаласы Ыбырай Алтынсарин атындағы №37 гимназиясында «ҚАЗАҚ ТІЛІ - ҒАЖАЙЫП ТІЛ» атты қазақ тілі мен әдебиеті бірлестігі онкүндігінің аясында академик Қ.О.Бітібаева атындағы атаулы зертханасының ұйымдастыруымен

республикалық Қанипа Омарғалиқызы Бітібаеваның ғылыми-әдістемелік зертханасының жетекшілерінің, білім бөлімі әдіскерлерінің қатысуымен «Online» форматта «ZOOM» платформасымен «ТҰЛҒАСЫ БИІК ЖАННЫҢ АТЫ ДА АҢЫЗ» атты «ҚАНИПА әлемі» үйірмесінің шығармашылық кеші өтті.
Іс-шараның мақсаты: «Қанипа әлемі» үйірме мүшелері мен талантты шәкірттердің шығармашылық жұмыстарымен таныстыру.
Кеш «Балауса» бишілер тобының «Наурыз» биімен ашылып, гимназия директоры
Ж.З.Малгаждарова мен академик
Қ.О.Бітібаева атындағы атаулы зертхана жетекшісі Қ.Қ.Жакенова құттықтау сөз сөйледі.
Іс-шара барысында «Қанипа әлемі» үйірмесінің шығармашылығына шолу жасалып, «Шәкәрім әлемі» драмалық көрінісі қойылды. Б.А.Тұрысбекованың жетекшілігімен «БП Хан апаның ХХІ ғасырдағы бейнесін айқындайды» атты пікірсайыс өтті.
«Қанипа әлемі» үйірме мүшелері Хан апаға жыр арнады. «Жәдігерлер сөйлейді» номинациясының
1 орын иегері, «Қанипа әлемі» үйірмесінің мүшесі, ақын Бәкіров Асылжан «Өр Алтайдың қызы едің дара туған» атты арнауын оқыды.
Шара соңында «Өнерге қанат қаққандар» әншілер тобы мен «Қанипа әлемі» үйірмесінің мүшелерінің орындауында «Сарқылмайтын сағынышым – Хан апа» әні шырқалды.

#Қазақтіліменәдебиетіпәніонкүндігі