3-маусым жазғы лагерь демалушылары үшін ерекше әрі танымды күн болды. Балалардың табиғатқа деген қызығушылығын арттыру, экологиялық білімдерін кеңейту,

белсенді демалысты ұйымдастыру, балалар ұжымында бірлік пен достықты нығайту мақсатында олар табиғат әлеміне терең бойлап, қаламыздағы Биологиялық орталыққа, одан кейін Орталық саябаққа саяхат жасады. Бұл саяхат балаларға білім мен жаңа әсерлер сыйлап, көңілді уақыт өткізуге тамаша мүмкіндік берді.
Экскурсия барысында биологтар табиғаттың құпиялары туралы қызықты әңгімелер айтып, экологиялық білім берді.
Биологиялық орталықтан кейін, балалар қаламыздың ең көрнекті орындарының бірі – Орталық саябаққа бет алды. Мұнда олар таза ауада көңілді пикник жасап, белсенді ойындар ойнады.
Биологиялық орталыққа және Орталық саябаққа жасалған бұл саяхат "Балауса" жазғы лагерінің тәрбиеленушілері үшін өте сәтті және мазмұнды болды. Олар тек жаңа білім алып қана қоймай, табиғаттың әсемдігін сезінді, белсенді демалып, көптеген оң эмоцияларға бөленді.

​ссылка 1​​​