Патриот айлығы аясында 7 “А” Жас сарбаз сынып оқушылары гимназия кітапханасында Кеңес әскерлерінің Ауған жерінен шығарылғанына 33 жыл толуына байланысты “Ауғанның отты жылдары” атты ауған ардагерлерімен кездесуі ұйымдастырылды.

Мақсаты: ауған соғысының ардагерлерін құрметтеу, жас ұрпақтың патриоттық сезімдерін оятып, жауынгерлердің қысқа ғұмырынан үлгі-өнеге, тарихи тағылым беру, оқушыларды елжандылыққа, Отан сүгіштікке, ұлтжандылыққа, ізгілікке, мейірімділікке баулу.

Барысында кітапхана меңгерушісі Рымбосинова О.М. “Ауған соғысы ұмытылмақ емес” презентациямен таныстырып, “Жас қаламгер” үйірме оқушылары әдеби монтаж, “Жалын” тобының орындауында “Мен қазақпын” әнін тыңдады. Кездесуге келген қонақтарға (Аманбаев М.Б. пен Еңсебаев Қ.Б.) оқушылар сұрақтар қойып, еркін сұхбат болды.

Қорытынды бөлімінде ұйымдастырушы педагог қонақтарға тілегін айтып, алғыс хат пен марапаттады.

Соңында оқушылар “Ауғанның асуында от кешкендер” атты көрмемен танысты.

Ұйымдастырушылар: Сәрсеков Б.Қ., Қадыр Е.О., Рымбосинова О.М.