📢 «Маманға қолдау – білімге болашақ» атты әкімшілік сұхбат

Бүгін гимназия қабырғасында жаңа оқу жылы қарсаңында конкурс нәтижесінде жеңімпаз атанып, жұмысқа қабылданған жас педагогтермен кездесу өтті. Жаңадан келген ұстаздарға арналған «Маманға қолдау – білімге болашақ» атты әкімшілік сұхбат ұйымдастырылды.

Бұл кәсіби басқосудың мақсаты – мамандарға бағыт-бағдар беру, тәжірибемен бөлісу, бір-бірін жақынырақ таныстыру және ынтымақты орта қалыптастыру болды.

📝 Сұхбат барысында:
• гимназияның ішкі тәртіп ережелері, педагогикалық этика, педагог мәртебесі және ішкі бақылау жүйесі түсіндірілді;
• кәсіби тұрғыда өсу жолдары жөнінде кеңестер айтылды;
• гимназия психологтары «Әріптесімнің қыры мен сыры» атты тренинг өткізіп, ұжымдық танысу мен жағымды көңіл күйге ерекше назар аударды;
• техникалық қауіпсіздік мәселесі бойынша жауапты тұлға Болат Ғайноллаұлы Нұрикенов мектеп қабырғасындағы қауіпсіздікті сақтау жөнінде нұсқаулық берді.

✅ Іс-шара соңында жас ұстаздар ашық пікір алмасып, үздіксіз дамуға ұмтылатынын және ең бастысы – шәкірттерді дамытуға күш салатынын атап өтті.

✨ «Ұстаз – ұлттың шамшырағы». Біз үшін әр ұстаздың орны бөлек. Ал жас мамандарға қолдау көрсету – болашаққа салынған ең үлкен инвестиция.

🌿 Барлық ұстаздарымызға жаңа оқу жылында сәттілік, шығармашылық шабыт пен толағай табыс тілейміз!

ссылка1