Оқуда, шығармашылықта және спортта жоғары жетістіктер көрсеткен дарынды оқушылар мен студенттерді құрметтеу мақсатында

2022 жылғы 4 мамырда Шығыс Қазақстан облысының әкімі Д.К. Ахметовпен дарынды оқушылардың кездесуі өтті.
Кездесу оқушылар бойында патриоттық сезімді, білімге ұмтылуды және өңірдің талантты жастарын қолдауды тәрбиелеу мен қалыптастыруға бағытталған.
Кездесуге республикалық олимпиаданың жеңімпазы - дарынды оқушымыз #Тоқтарғазы #Алихан шақырылды.
Кездесу дөңгелек үстелде еркін қарым-қатынас форматында өтті. Өз сөзінде Даниал Кенжетайұлы дарынды жастар кез келген мемлекеттің мақтанышы және болашақ олардың білімі мен жаңа идеяларына байланысты екенін, ал балалардың жетістіктері облыстың имиджі мен беделін қалыптастырады деп атап өтті.
Кездесу аясында республикалық және халықаралық шығармашылық конкурстардың жүлдегерлерінің шығармашылық жұмыстарының көрмесі ұйымдастырылды.
Кездесу соңында Тоқтарғазы Алиханға облыс әкімінің атынан грамота мен 100 мың теңге көлемінде ақшалай сертификат табыс етілді.
Оқушымызға, алдағы қойған мақсаттарына жетіп, үлкен белестерге жетуіне тілектеспіз!