Қалалық семинар
08 қаңтар күні Ы. Алтынсарин атындағы №37 гимназияда жаратылыстану бағытындағы пәндерді ағылшын тілінде оқыту бойынша «Таратуға тұрарлық тәжірибелер» тақырыбында шеберлік сынып өтті. Шеберлік сыныпқа қалалық білім бөлімінің әдіскері Құралай Рымкуловна алғысөз алып, үштілділіктің маңызы мен жыл ішіндегі жоспарлармен бөлісті.
Биология пәнінің мұғалімі Г.Т. Толеубаева «Биология пәнін ағылшын тілінде кіріктіре оқыту әдістемесі» аясында жобалық зерттеу жұмысы және алғышарттары туралы жұмысын ортаға салса, Информатика пәнінің мұғалімі
М.Ш. Серикбаева «Информатика ағылшын тілінде оқытудың маңыздылығы мен тиімділігі» тақырыбында кедергілер мен кемшіліктерді болдырмау жолдарына тоқталды.
Химия пәнінің мұғалімі А.Д. Башенова химия пәнін ағылшын тілінде оқытуда оқушылардың пәндік және тілдік дағдыларын қалыптастыруда эксперименттік тәжірибе жасату - оқушының ағылшын тілін меңгерудегі сөздік қорын қалыптастыруға және алған білімін тиімді қолдануға бағытталған жұмысын бейнесабақ арқылы көрсетті.
Физика пәнінің мұғалімі А.Б. Бейсембаева Қашықтан оқыту жағдайында физикадағы виртуалды зертханалық эксперименттік тапсырмалары оқушыларға физикалық процестер мен ережелерді жақсы түсінуге көмектесіп қана қоймай, алған білімдерін практикада қолдануын қашықтықтан көрсетті. Шеберлік сынып соңында директордың шет тілдері жұмыстары жөніндегі орынбасары Р.Ө Кармысова атқарылып жатқан жұмыстарға тоқталып қорытындылады.