Бүгін 8-сыныптар арасында «Темекіден бас тарту күніне арналған дөңгелек үстел» өткізілді.

Дөңгелек үстел барысында «Неге жасөспірімдер шылым шегеді?», «Темекі өнімдерінің түрлері (электронды сигарета, шылым, кальян) мен олардың құрамы, денсаулыққа келтіретін зияны, экономикалық тұрғыдан шығатын шығын мөлшері», сондай-ақ темекісіз салауатты өмір салты мен жарқын болашақ туралы мәселелер қозғалып, оқушыларға үлкен ой салды. Балалар қойылған сұрақтарға шынайы жауап беріп, аса қызығушылықпен қатысты. Екі топ құрылып, команда болып бірлесе жұмыс жасап, «Денім сау болсын десең...» және «Темекі - адамзат қасіреті» тақырыптарында постер дайындап, өз ойларын тұжырымдау арқылы қорытындылады.
Дөңгелек үстелді Семей қаласының Шәкәрім атындағы университетінің жаратылыстану–математика факультеті, жаратылыстану ғылымдары кафедрасы, биология мұғалімдерін даярлау мамандығының студенттері Ермеккызы Акбота мен Рысбек Шұғыла жүргізді.
Жауапты сынып жетекшілері: Болсынбекова Ш.Ж., Чакеева Е.С.
24-қараша 2022 жыл