Тәрбиелеудің “жолбарыс әдісі”: біз көрсетілім ойын өткіздік!

Бүгін мектебімізде ерекше форматтағы көрсетілім ойын өткізілді. Ойынның басты тақырыбы – Tiger Parenting, яғни ата-аналардың талапшыл, нәтижеге бағытталған тәрбиелеу моделі.

Шара барысында оқушылар мен көрермендер арасында қызықты пікірталас өрбіді. Әр қатысушы “жолбарыс тәрбиешісінің” артықшылықтары мен қиындықтарын рөлдік ойын арқылы сезініп, нақты жағдайларды сахналау арқылы тақырыпты терең түсінуге мүмкіндік алды.

Бұл ойын:
• ата-ана мен бала арасындағы қарым-қатынасты қайта бағамдауға,
• тәрбиенің түрлі модельдерін салыстыруға,
• баланың ішкі әлеміне үңілуге жол ашты.

Көрсетілімнің мақсаты – қатысушылардың сыни ойлау қабілетін арттырып, заманауи тәрбиенің тиімді және тиімсіз жақтарын ұғындыру болды. Нәтижесінде, біз тек білім ғана емес, эмпатия мен түсіністік те маңызды екенін көрсете алдық.

Тәрбиеде тепе-теңдік пен мейірімділік – басты құндылық екенін тағы бір мәрте дәлелдеген сәт болды!

​ссылка 1​​​