Қазақстан Республикасы Оқу-ағарту министрлігінің «Дарын» Республикалық ғылыми-тәжірибелік орталығының қолдауымен «Зерделі ақыл-ой дамыту мектебі» білім беру орталығы,

«Абай облысы білім басқармасының Семей қаласының білім бөлімі» мемлекеттік мекемесінің ұйымдастыруымен 2024 – 2025 оқу жылының 5-6 сынып оқушыларына арналған Республикалық «Алтын сақа» олимпиаданың қалалық кезеңі өтті.
«Алтын сақа» олимпиаданың мақсаты математика пәні бойынша қабілетті балаларды анықтау, олимпиада резервін қалыптастыру, математика пәні бойынша оқушылардың қызығушылығын қалыптастыру, ғылымға, жаратылыстануға баулу, оқушыларды математикалық ұғымдарды талдауға, сыни тұрғыда ойлауға, күрделі есептерді шешуге дағдыландыру болып табылады. Оқушылардың математика пәнінен қызығушылығы өте жоғары болғандықтан, 5- сыныптар бойынша олимпиаданың қалалық кезеңіне 116 оқушы қатысып, гимназиядан қатысқан Кусманов Ельназар - I орын алып жеңімпаз атанса, Жұмағазы Темірлан – жақсы жетістікке жетіп 3 орынға бір балл жетпегендіктен –Грамота алып, Анвар Жүкен – сертификат алды. 6- сыныптар бойынша олимпиаданың қалалық кезеңіне 119 оқушы қатысып, гимназиядан қатысқан Тұрлыбек Фархад - I орын алып жеңімпаз атанса, Арғынбеков Санжар – II орынның жүлдегері атанса, Хамитов Бекарыс - III орынға қол жеткізді. ҚҰТТЫҚТАЙМЫЗ!!! Мұғалімдердің жүйелі жұмысының арқасында оқушыларымыз жүлдегер атанып, 1 және 2 орын алған оқушыларымыз облыстық кезеңіне жолдама алды. Облыстық кезеңге жолдамаға алған оқушыларымызға сәттілік тілейміз!!!