24.04.2025 күні гимназияның 9-сынып оқушылары қалалық балалар кітапханасында өткен рухани тәрбиелеу мақсатындағы көрмеге қатысты. Чернобыль АЭС апатына 39 жыл толуына орай «Балалар кітапханасында» көрме ұйымдастырылды.

Чернобыль апаты - адамзат тарихындағы ең үлкен экологиялық апаттардың бірі. Кітапхана қызметкерлері оқушыларға апаттың салдары мен оның адамзатқа тигізген әсері туралы маңызды ақпараттар берді. Осы көрме арқылы жас ұрпаққа экология мәселелері, табиғатты қорғау мен жауапкершіліктің маңызы түсіндірілді. Тарих пен экология сабақтастығы — бұл іс-шараның басты мақсаты. Бүгінгі күннің ұрпағы Чернобыль оқиғасынан сабақ алып, болашақта табиғатты қорғауға, қоғамға жауапкершілікпен қарауға дағдылануы керек. Көрме барысында балалар ақпаратпен ғана танысып қоймай, өз ойларымен бөлісіп, апаттың салдары туралы тереңірек ойлануға мүмкіндік алды.
Рухани тәрбие мен экологиялық сананы қалыптастыруда мұндай шаралардың маңызы зор. Болашақта бұл оқушылардың өмірінде маңызды із қалдыратыны сөзсіз!
Ұйымдастырушылар: Адылбекова Т.Е.
Абельдинова Г.