📌 «Кел, балалар, оқылық!» пікірсайыс үйірмесінің жыл қорытындысы

Биылғы оқу жылы мектептегі «Кел, балалар, оқылық!» пікірсайыс үйірмесі үшін мазмұнды, нәтижелі әрі тәрбиелік мәні жоғары кезең болды. Үйірме аясында 8–11 сынып оқушылары жүйелі дайындықпен, тұрақты ізденіспен және жауапкершілікпен жұмыс істеп, өз ойларын дәлелді әрі мәдениетті жеткізе алатын деңгейге жетті.

Пікірсайыс – бұл тек жарыс емес. Бұл – ой мәдениеті, сөз әдебі, тыңдай білу және қарсы пікірге құрметпен қарау дағдысын қалыптастыратын тәрбие алаңы. Осы бағытта жүргізілген жұмыстардың нәтижесінде жыл соңында белсенді оқушылар мен үйірме жұмысына жанашырлық танытқан ұстаздар арнайы номинациялар бойынша марапатталды.

🏆 Жылдың үздік пікірсайысшысы (8–11 сынып)

Қасенова Кәусар – терең талдауы, сенімді аргументі және жоғары деңгейдегі сөз мәдениеті үшін (10 000 теңге көлеміндегі қаржылай сыйлық табысталды).

✨ Жыл жаңалығы (8–11 сынып)

Сарсенова Ақпейіл, Мамеева Дильназ, Жұмағалиева Еркежан, Нұрланқызы Нұрай, Асланқызы Амина – жыл ішінде белсенділігімен, тың көзқарасымен және үйірме жұмысына тез бейімделуімен ерекшеленді.

🚀 Жыл серпілісі (8–11 сынып)

Увалиева Азалия – қысқа мерзім ішінде айқын өсім көрсетіп, пікірсайыстағы әлеуетін дәлелдеді.

👑 Жыл көшбасшысы (8–11 сынып)

Ерғалиева Айару – командамен жұмыс істеу, жауапкершілік алу және ұйымдастырушылық қабілеті үшін марапатталды.

🤝 Пікірсайыс жанашыры

Үйірме жұмысына әрдайым қолдау көрсетіп, тәрбиелік бағытта үлес қосқан ұстаздар:

Рүстемова Камшат Мырзаханқызы, Курманова Дария Ахметкаримовна.

Бұл марапаттар – оқушылардың бір жыл бойғы жүйелі еңбегінің, тәртіп пен дамуға деген ұмтылысының айқын көрінісі.

Ал жетістіктің негізінде ұстаз қолдауы мен мектептегі бірлескен тәрбие жұмысы тұрғаны сөзсіз.

📚🗣️ Пікір мәдениеті мен көркем сөзді дамыту бағытындағы жұмыстар алдағы оқу жылында да жалғасын табады.