Гимназиямызда «Гимназия Fest» — өнер мен өнегені ұштастырған, шәкірттердің шығармашылығын дәріптейтін ерекше мерекелік кеш өтті ✨

Бұл кеш — өнерлі оқушыларымыздың талантына қолдау білдіріп, шығармашыл ұстаздардың еңбегін айшықтаған, белсенді ата-аналардың қолдауы тоғысқан жарқын мереке болды. 🎭🎶

«Гимназия Fest» — тек үйірме мен секциялардың қорытынды концерті ғана емес, бұл — шәкірт жетістігіне бірге қуанып, бірге демеу болған жандарға шынайы алғыс айтатын ерекше кеш.

Сахна төрінде ән мен би, өнер мен шабыт үндесіп, әрбір оқушы өз дарынын паш етті. Осындай талантты шәкірттерімізбен, жанашыр ұстаздарымызбен және қолдаушы ата-аналарымызбен мақтанамыз! 💐

Кеш барысында гимназия өміріне белсенді араласып, қолдауымен және жанашырлығымен ерекшеленген ата-аналар мен шәкірт тәрбиесіне зор үлес қосып жүрген үйірме жетекшілері алғыс хаттармен марапатталды.

Бұл — білім мен тәрбиенің бірлігіне айналған ортақ еңбектің жемісі. Осындай қолдаушы ата-аналарымыз бен шығармашыл ұстаздарымыз барда шәкірт жетістігі арта бермек!

Барша қатысушыларға, үйірме жетекшілеріне, ата-аналарға және кештің жоғары деңгейде өтуіне үлес қосқан жандарға алғыс білдіреміз! 

​ссылка1​​​