Гимназия қабырғасында 11-сынып оқушыларына арналған “Алып қашу және сталкинг” тақырыбында ақпараттық-түсіндіру жұмысы өткізілді.

Іс-шара барысында оқушыларға алып қашудың салдары, сталкингтің қоғамға және жеке тұлғаға тигізетін кері әсері түсіндірілді. Келісім ұғымы, жеке шекара, заң алдындағы жауапкершілік туралы маңызды мәліметтер берілді.

Мақсаты – жасөспірімдердің құқықтық сауаттылығын арттыру, қауіпсіз қарым-қатынас мәдениетін қалыптастыру және зорлық-зомбылықтың алдын алу.

Аталған шараны педагог-ұйымдастырушы Адылбекова Т.Е мен педагог-психолог Серікқалиева Ш.С. ұйымдастырды.

Қоғамдағы әрбір жас өз құқығын біліп, өзгенің құқығын құрметтей алуы тиіс.