Семей қаласы Ыбырай Алтынсарин атындағы 37 гимназиясында Өлкетану музейінің жетекшісі Г.М.Мухамедиеваның және үйірме мүшелерінің ұйымдастыруымен “Ерлік - елге мұра, ұрпаққа - ұран!” атты тарихи кеш өтті.

Іс-шараның мақсаты - Екінші дүниежүзілік соғысқа қатысқан қазақстандықтардың ерлігін дәріптеу. Тарихи кеш аясында “Ерлікке тағзым” атты көрме ұйымдастырылды.

Семей қаласында құрылған 238- гвардиялық атқыштар дивизиясының жауынгерлері қаза тапқан Алексин қаласынан әкелінген қасиетті топыраққа ерекше мән берілді.Үйірме мүшелері Семей өңірінен майданға аттанған жауынгерлер ерлігі туралы мәліметтер жинақтап, презентациялар жасады.Сонымен қатар іс-шараға Семей қалалық мәдениет үйінен ардагерлер халық хоры мүшелері қатысып, патриоттық әндер орындады.

Өткізілген іс-шара тарихи оқиғалардан алыстап бара жатқан жас ұрпақ үшін аса маңызды болды.