20.02.2026 жыл. Тағылымды сабақ-Қ.О.Бітібаева зертхана алаңында.

Абай облысы Семей қаласы

Ыбырай Алтынсарин атындағы №37 гимназияда академик Қ.О. Бітібаеваның республикалық ғылыми-әдістемелік зертханасының жоспары аясында жас маман Рамазанов Ғани Аманғазыұлы «Ортағасырлық саяхатшылардың Қазақстан туралы мәліметтері» тақырыбында ашық сабақ өткізді.

✨ Сабақтың ерекшелігі: Ғани Аманғазыұлы аңыз ұстаз Қанипа Бітібаеваның «Ой тастау, ойланту, ойлау» технологиясын тарих сабағында шебер қолдана білді. Оқушылардың сыни ойлауын дамытып, тарихи деректерді терең талдауға бағытталған сабақ жоғары деңгейде өтті.

  Сабаққа гимназия әкімшілігі, ұстаздармен қатар, ХАН апаның республикалық филиалдары  Астана, Алматы, Өскемен, Риддер, Қарағанды, Аягөз қалалары мен  Жарма, Абай, Көкпекті аудандарының зертхана жетекшілері  қатысып, жас маманның ізденісі мен әдістемелік шеберлігі тәнті етті деп жылы лебіздерін білдірді.

📝 Алғыс:

  Осындай маңызды іс-шараны жоғары деңгейде ұйымдастырып, жас мамандарға үнемі қолдау көрсетіп, өзінің іс-тәжірибесін облыс, республика көлемінде таратып жүрген зертхана жетекшісі Құралай Құралтайқызына

алғысымыз шексіз!

  Ұстаздық жолға жаңа қадам басқан

Ғани Аманғазыұлына шығармашылық табыс тілейміз!

ссылка1