2022 жылдың 1 маусымында Өскемен қаласында Балалар жылына арналған Шығыс Қазақстан облысының дарынды оқушылар Форумы өткізілді.

Іс-шара 2021-2022 оқу жылының қорытындысын шығару, жалпы білім беретін пәндер бойынша оқушылардың республикалық олимпиадасының жеңімпаздары мен жүлдегерлерін, дарынды оқушыларды марапаттау мақсатында өтті.

Форумға республикалық, халықаралық зияткерлік олимпиадалар мен ғылыми жарыстардың жеңімпаздары мен жүлдегерлері шақырылды.

Форум барысында Шығыс Қазақстан облысы білім басқармасының басшысы Сайрангүл Ахметкәрімқызы Жумадилова форумға қатысушыларды Халықаралық балаларды қорғау күнімен құттықтады. Өз сөзінде ол дарынды жастар кез келген мемлекеттің мақтанышы және болашақ олардың білімі мен жаңа идеяларына байланысты екенін, ал балалардың жетістіктері облыстың имиджі мен беделін қалыптастыратынын атап өтті.

Бұл Форумға республикалық, халықаралық зияткерлік олимпиадалар мен ғылыми жарыстардың 2021-2022 оқу жылындағы жеңімпаздары қатысты.

«Ыбырай Алтынсарин атындағы №37 гимназиясы» КММ-нен 3 оқушы Талғат Дайян, 11 сынып оқушысы, республикалық пән олимпиадасының республикалық кезеңінде құқық негіздері пәнінен ІІІ орын иегері, дайындаған пән мұғалімі – Оразалин Қуат Аманжолұлы, Нұрмұхаметова Дильназ, 10 сынып оқушысы, республикалық пән олимпиадасының республикалық кезеңінде құқық негіздері пәнінен ІІІ орын иегері, дайындаған пән мұғалімі – Галымова Жадыра Мелисхановна, Тұрсынғазы Дариға, 3 сынып оқушысы, «Зерде» ғылыми жобалар сайының республикалық кезеңінің ІІ орын иегері, жетекшілері – Азаматова Асем Муканова, Датбаева Нургуль Сериккалиевна барды.

Форумға қатысушыларға облыс әкімінен 30000, 50000 теңгенің сертификаты мен грамоталар табысталды.

Білімді, жеңімпаз оқушыларымызбен ұстаздарымызды марапаттарымен құттықтаймыз.👏👏👏