11
май
2026
«Майдангер аталарға тағзым»
Гимназия оқушыларының қатысуымен жүрекке жылу сыйлаған патриоттық тәрбие шарасы өтті. Бұл кеш – Ұлы Отан соғысы ардагерлерінің ерлігін ұлықтап, жас ұрпақтың бойына елжандылық пен отансүйгіштік қасиеттерді сіңіруге бағытталды.
Шара барысында оқушылар соғыс жылдарының ауыр кезеңін сахналық көрініс арқылы бейнелеп, өлең оқып, ән шырқап, көрермендерге ерекше әсер сыйлады. Ең әсерлі сәттердің бірі – оқушылардың өз аталары туралы айтып, олардың фотосуреттерін таныстыруы болды. Бұл – әр отбасының тарихына тағзым, әр жүректегі құрметтің көрінісі.
Бір минут үнсіздік арқылы батырлар рухына тағзым жасалып, олардың ерлігі ешқашан ұмытылмайтыны тағы бір мәрте дәлелденді.
Бұл кеш – тек естелік емес, бұл – бүгінгі бейбіт өмірдің қадірін түсінуге, өткенді құрметтеп, болашақты бағалауға үндейтін маңызды тәрбие алаңы.
Ерлік – елге мұра, ұрпаққа аманат!
ссылка1